Daar is niks so lekker soos om op 'n bed te val met skoon beddegoed op nie. Ek het onlangs 'n probleem met beddegoed ontwikkel. Jy is eers angstig om die linnekas oop te maak want jy moet altyd iets oplig om by jou goed uit te kom.
Die duvet cover, laken en kussingslope is alles maklik om te kry, tot jy die paslaken soek. Die manier wat ons paslakens opgevou word, maak dit redelik moeilik om te bepaal of dit 'n laken of 'n paslaken is.
My probleme met paslakens is eenvoudig. Eerstens, ek wil hulle nie opvou nie en hulle wil nie opgevou word nie. THEY HAVE NO MASTERS. Tweedens, om 'n paslaken op te sit is 'n pynlike aksie as jy te lank vat om agter te kom dis die verkeerde flippen grootte. Nog erger as jy die ding verkeerde kant om probeer opsit. Dis genoeg om jou mal te maak.
Nou is die paslaken op. Jy is so uitgeput en ongeduldig dat jy die laken so effentjies oorslinger. Nou vir die kern van die probleem. Die duvet cover. Ek weet nie hoe doen Lettie dit so vinnig nie. Ek het die fout gemaak om uit te stap terwyl Wernu alleen met die beddegoed gelaat is.
Kort voor lank kom ek terug en Wernu dra die duvetcover. Handjies in die hoeke loop hy die gang af. Ek moes die punte van die duvet op die grond neersit sodat hy dit kon vat en inskuif. (Ek weet eintlik hoe om die bed skoon oor te trek, maar die man wou help.) Na 'n vreemde gewriemel was alles weer in plek. Die bed is gelukkig skoon oorgetrek!
My ma het baie opgewonde vir my vertel dat sy 'n afspraak met die ortopeed het. Dit impliseer natuurlik dat sy uit die huis uit mag gaan en verder as Spar ry met 'n huiskluis vrywaringsbriefie. Sy is kinderlik opgewonde en ék is jaloers!
No comments:
Post a Comment